Plantun de Prouvènço

Pèr coumpara dos planto d'encò nostre

Lathyrus pannonicus & Ranunculus repens

Lathyrus pannonicus

Fabaceae Leguminosae

Nom en français : Gesse de Hongrie.

Descripcioun :
La Jaisso-d'Oungrìo es uno meno raro que trachis dins li prado e li blachiero de noste relarg d'auto Prouvènço. La cambo èi gaire alado, li fueio soun coumpausado de 2 à 4 parèu de fuioun sènso vediho (mai acabado pèr uno pichoto pouncho en erbo). L'enflourejado es uno grapo de 3 à 11 flour jauno pièi blanco, pourtado pèr un long pecou mai long que la fueio d'à coustat. Li dóusso fan de 3 à 6,5 cm e caupon de 12 à 20 grano. La subsp. de Prouvènço ié dison asphodeloides qu'a de bousserlo en long.

Usanço :
Ramentan que li grano de jaisso soun empouisounanto e dounon uno malautié néuroulougico, lou latirisme (presènci d'ODAP), se n'en manjas de trop.

Port : Erbo
Taio : 15 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Lathyrus
Famiho : Fabaceae
Famiho classico : Leguminosae

Ordre : Fabales

Coulour de la flour : Blanco Jauno
Petalo : irreguliero
Ø (o loungour) flour : 12 à 20 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Abriéu à juliet

Liò : Blachiero - Prado - Óuriero de bos
Estànci : Subremediterran à Coulinen
Couroulougi : Éurosiberiano
Ref. sc. : Lathyrus pannonicus (Jacq.) Garcke, 1863

Crèbo-biòu

Ranunculus repens

Ranunculaceae

Àutri noum : Auriflam, Gros-boutoun-d'or.

Nom en français : Renoncule rampante.

Descripcioun :
Lou crèbo-biòu, uno meno de gros-boutoun-d'or (Var) trachis dins li relarg umide, èi pèr acò qu'èi pas toujour, au nostre, uno planto coumuno. Se recounèis à si fiéu (estouloun) que podon faire fin qu'à 2 mètre de long e que s'enracinon (fotò). Li sepalo rèston contro li petalo e lou fru èi lisc.

Usanço :
Coume tóuti li ranouncle, es uno planto empouisounanto, tambèn pèr li bèsti (crèbo-biòu). Pamens un cop seco o couito, l'anemonino caupudo èi trasfourmado e pu toussico. Se dis qu'èro manjado cuecho di tèms de carestié.